O xoves 16 de maio ás 19 h. na Biblioteca Municipal Fórum Metropolitano temos da man de Xurxo Souto e Lupe Blanco un achegamento ás Regueifas.

Dentro do ciclo temático "Conta a lenda..." adicado a tradición oral como herdanza cultural e memoria dunha sociedade, realizarase un achegamento de Regueifas unha boa oportunidade para dar visibilidade a este arte tan noso.

Ollos ben abertos, orellas atentas e os pés cravados no chan. Dende o comezo ninguén pode xa, quitar a atención das rimas. Xurxo Souto e Lupe Blanco están considerados dous dos maiores expoñentes da regueifa en Galicia. As claves da regueifa, dos brindos ou loias, son a súa rapidez e espontaneidade (carece de interludios musicais e de pausas entre os versos), e sobre todo o enxeño, porque é o que fai que o público se entusiasme coa capacidade das repentistas para saíren airosas dos envites máis agudos en décimas de segundo e de forma totalmente improvisada, como se fosen prestidixitadoras da lingua.

Acceso libre até completar capacidade.