A clausura desta celebración dos 25 anos da Rede de Bibliotecas Municipais da Coruña realízase en conxunto con outras dúas institucións referentes na Coruña, que tamén cumpren 25: o CGAI e a Orquestra Sinfónica de Galicia.

Co título "Tres de vinte e cinco: literatura, cinema e música", o día 2 de decembro realízase unha acto de clausura e a inauguración dunha exposición de textos que fan referencia á importancia na nosa cidade e na sociedade actual de cada unha destas tres institucións, e que se poderá visitar ata o 7 de xaneiro na Casa da Cultura "Salvador de Madariaga" (Durán Loriga, 10).

O acto do día 2 comezará ás 18.45 horas, e contará coa participación de:

• o Coro de Nenos Cantores da Orquestra Sinfónica de Galicia, dirixido por José Luis Vázquez,
• o recital e as lecturas de Estíbaliz Espinosa, acompañada ao piano por Isabel Gómez.

Ao rematar isto, ás 20.30 horas no CGAI, proxectarase a película de Truffaut Farenheit 451.