A quen se dirixe?

A rapazas e rapaces entre 9 e 14 anos con inquedanzas polo coñecemento e funcionamento das cousas. O principal obxectivo é o de impulsar as capacidades das rapazas e rapaces nas cinco disciplinas de maneira integrada.

Este tipo de método permite ás nenas e nenos explorar e comprender o mundo que lles rodea e desenvolver as competencias lingüística, colaborativa e imaxinativa, habilidades esenciais

A aplicación do método STEAM demostra que aumenta o interese en Ciencias, Tecnoloxía, Enxeñaría, e Matemáticas, xa que involucra a quen o utiliza na solución de problemas, traballo en equipo, e a construir solucións reais e tanxibles.

Obxectivos

• Mostrar a biblioteca como centro de apoio ao sistema educativo.
• Contribuir ao acceso igualitario dos recursos educativos.
• A biblioteca como parte activa na sociedade atendendo as novas necesidades.

Obxectivos específicos:

• Eliminación de clichés sociais con respecto á ciencia.
• Fomentar a igualdade entre nenas e nenos con respecto á ciencia e á tecnoloxía.
• Apoiar e difundir a labor de científicas e científicos.
• Compartir actividades e efemérides científicas.
• Contribuir a visibilizar a importancia das materias STEAM na nosa sociedade.

Que materiais podo atopar

O centro de interese CienciaPro está dividido en catro seccións inspiradas no método científico.

•  PREGUNTA: Aquí atoparás libros que platexan dúbidas e dan respostas.  
• EXPERIMENTA: Experimenta, crea, proba, constrúe, comete erros,... neste apartado atoparás grandes libros de inventos e experimentos.
• VERIFICA: Verificar é de sabios e as respostas están na ciencia, neste apartado atoparás unha selección de libros informativos.

• NARRATIVA: Incluímos dentro desta categoría, ademáis das obras de ficción, banda deseñada e biografías.

Podes atopar todos os libros deste centro de interese no catálogo en liña. Non esquezas que se o material que queres está noutra biblioteca podes solicitar que cho enviemos á túa para que o leves en préstamo.