En que programa colaboras?

Colaboro no programa "Lecturas de ti a ti", que consiste en lerlle a unha persoa que está nun centro de día. Eu voulle a ler a Lola, unha señora de 84 anos que está nunha cadeira de rodas e non ten mobilidade nunha parte do seu corpo. Falamos moito e encántalle que lle lea, comentamos e facemos da lectura unha moi boa conversa.

Por que te fixeches voluntaria?

Fíxenme voluntaria por uns compañeiros do club de lectura dos Rosales, que mo comentaron e estou moi contenta.

Participaches ou participas en accións similares?

É a primeira vez que participo nun voluntariado e recoméndollo ás miñas amigas.

Que te achega a túa actividade como voluntaria nas Bibliotecas Municipais?

Esta actividade éncheme de satisfacción, atópome realizada e eu creo que a min achégame moito e á persoa que lle leo, creo que tamén está contenta.