- Inicio
Información Xuvenil
Os espazos municipais de información xuvenil do concello da Coruña, enmárcanse no servizo de Mocidade, dentro da Área de Benestar Social, Participación e Igualdade. Caracterízanse por unha serie de trazos que os fai singulares e defíneos como instrumentos para facilitar a autonomía persoal da mocidade e para ofrecerlles unha atención integral e de calidade. Fronte a un modelo centralizado, o Concello da Coruña aposta pola descentralización dos servizos de información xuvenil e polo achegamento á mocidade, convertendo a dimensión territorial nun eixe estratéxico que permita a creación dunha nova relación co sector xuvenil na súa dimensión máis ampla.
Coñece a Rede de Información Xuvenil
A rede de espazos de información xuvenil da cidade caracterízase por ser centros xeneralistas nos que a xente nova pode atopar toda a información que necesitan: educación, lecer e tempo libre, mobilidade, asociacionismo, vivenda, emprego... Tamén contemplan asesorías especializadas, de centros de interese que, no transcurso dos anos, resultaron de máximo interese para as/os mozas/os da cidade.
Realizan, ademais, un traballo transversal que se desenvolve non só con outras áreas do Concello, senón tamén coas entidades xuvenís, asociacións e colectivos da cidade sendo un espazo que ofrece, ademais de información, recursos especializados atendidos por persoal cualificado e unha atención que oriente e acompañe á mocidade na toma de decisións.
Non perdas
Actualidade
-
Concurso-Exposición sobre As cantareiras e a poesía popular oral. Letras Galegas 2025
Inscricións:
Ata o 23/01/2025
A Secretaría Xeral da Lingua e a Dirección Xeral de Ordenación e Innovación Educativa convocan o concurso para elaborar unha exposición sobre a obra, época e lingua das cantareiras e a poesía popular oral, as figuras homenaxeadas en 2025 no Día das Letras Galegas, e sobre a situación sociolingüística da etapa histórica en que viviron.
-
Axudante de arquivo - arquiveiro/a do Concello de Fene
Inscricións:
Ata o 10/12/2024
Proceso selectivo para a cobertura, en quenda libre, mediante persoal funcionario de carreira, dunha vacante de axudante de arquivo - arquiveiro/a polo sistema selectivo de oposición.
-
4 prazas da Escala Administrativa da Universidade de Salamanca
Inscricións:
Ata o 28/11/2024
Probas selectivas para cubrir 4 prazas da Escala Administrativa (Subescala Administrativa de Administración Xeral) da Universidadde Salamanca pola quenda libre e sistema selectivo por oposición.
-
María Luísa Nache na lembranza
Cando:
25/11/2024
Homenaxe á soprano coruñesa María Luisa Nache (A Coruña 1924-1985), na Casa da Cultura Salvador de Madariaga.
-
Ciclo de literatura "Somos o que lemos"
Cando:
27/11/2024
O ciclo de literatura "Somos o que lemos" da Fundación Luis Seoane é unha proposta coa que se pretende achegar ao público algúns dos nomes máis destacados da actualidade literaria nacional a través dunha serie de presentacións nas que Javier Pintor, o coordinador do proxecto, charla con autores e convidados acerca dos seus traballos máis recentes. Este mes Antía Yáñez falará da súa novela "O clan das barbies".
-
Técnico ou técnica de xestión de proxectos da Deputación Provincial da Coruña
Inscricións:
Ata o 10/12/2024
Convocatoria para a cobertura en propiedade como persoal funcionario de carreira dunha praza de técnico ou técnica de xestión de proxectos (subgrupo A1). O sistema selectivo será o concurso-oposición.
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible