As Festas de María Pita 2024, contarán na súa xornada inaugural co pregón de Lucas Pérez e coa actuación musical de Kate Ryan.

A praza de María Pita será o grande escenario destas festas e acollerá o programa de concertos Noites de María Pita, o Festival Internacional de Folclore, a Semana Clásica e o Festival de Habaneras.

O programa Cascarillarte volverá encher os diferentes barrios con actuacións para todos os públicos entre o 12 e o 30 de agosto.

A Batalla Naval, que este 2024 cumpre 40 anos, será o venres 16 de agosto na enseada do Orzán.

Haberá, como cada ano, unha nova edición da Feira do Libro e do Libro Antigo, así como o Festival Noroeste Estrella Galicia, Viñetas desde o Atlántico ou o Trofeo Teresa Herrera de Fútbol.

Nos barrios tamén serán protagonistas estas festas: Oza-Gaiteira-Os Castros, Eirís, Castrillón, Sagrada Familia e Novo Mesoiro.

María Pita 2024 rematará como todos os anos coa Romaría de Santa Margarida, unha das mellores citas de baile e música tradicional.