Uso de cookies nas páxinas web do Concello da Coruña
Empregamos cookies propias (de sesión, de personalización, de preferencias) para mellorar a experiencia do usuario a través do sitio web e cookies de terceiros xeradas por servizos ou provedores externos ao sitio web, que recollen datos estatísticos, de uso, gustos dos usuarios, etc. Ao aceptar todas as cookies, dá o seu consentimento expreso para que as cookies propias e de terceiros sexan rexistradas e utilizadas. Ao rexeitar as cookies, acepta que só se usarán as súas propias cookies para mellorar a experiencia do usuario. Podes obter máis información, ou saber como cambiar a configuración, na nosa páxina Normas de uso
Prazas e bolsas nas residencias xuvenís para o curso académico 2024/25
Residencia Xuvenil de Ourense.
A Consellería de Cultura, Lingua e Xuventude pon as residencias xuvenís de Lugo, Ourense e Vigo, ao servizo das persoas mozas que, por razóns de estudos ou traballo, se vexan obrigadas a permanecer fóra do concello onde teñen a súa residencia habitual.
A quen vai dirixido:
Para público en xeral
Inscricións:
Ata o 19/08/2024
Duración:
11 meses, durante o curso académico, exceptuándose os períodos de vacacións de Nadal e Semana Santa.
Prezo:
Persoas estudantes non bolseiras e persoas traballadoras:
Habitación dobre: 324 € por persoa residente e mes
Habitación cuádrupla: 250 € por persoa residente e mes
Persoas estudantes colaboradoras bolseiras:
Ademais dos servizos xerais, desfrutarán do aloxamento e mantenza gratuítos na residencia xuvenil durante o seu período ordinario de funcionamento, de setembro a xullo.
Requisitos:
Posuír nacionalidade española ou ser nacional dun país membro da Unión Europea, ou ser persoa estranxeira residente en España.
Non ter perdido a condición de residente en convocatorias anteriores por causa imputable á persoa solicitante.
Requisitos específicos para as persoas solicitantes estudantes non bolseiras:
Ter os 16 anos feitos e non superar os 30 anos en 31 de decembro de 2024.
Estar cursando estudos de bacharelato, formación profesional, ciclos formativos, estudos universitarios tendentes á obtención do título de grao ou equivalente, doutoramentos ou estudos de mestrados universitarios oficiais.
Que no concello onde radique a súa residencia habitual, debidamente acreditada a través do certificado de residencia con data de última variación padroal da persoa solicitante, non exista oferta de centros públicos para realizar o curso, nivel ou grao correspondente aos estudos que vaia cursar a persoa solicitante. Aquelas persoas que conten con oferta de centros públicos no seu lugar de residencia, pero non alcancen a nota de corte ou puntuación académica mínima exixida para o ingreso, poderán optar ás prazas ofertadas.
Requisitos específicos para as persoas solicitantes traballadoras:
Ter os 16 anos feitos e non superar os 30 anos en 31 de decembro de 2024.
Que o lugar de traballo teña o enderezo nun concello distinto ao lugar de residencia habitual da persoa solicitante.
Que, no caso de que a relación de traballo non sexa fixa ou indefinida, teña unha duración mínima de tres meses contados desde a data en que finalice o prazo de presentación de solicitudes.
Que estea dada de alta no réxime de persoas traballadoras autónomas da Seguridade Social, con anterioridade á publicación desta convocatoria, para o caso de ser unha persoa traballadora por conta propia.
Requisitos específicos para as persoas estudantes colaboradoras bolseiras:
Ter os 18 anos feitos e non superar os 30 anos en 31 de decembro de 2024.
Non ter perdido a condición de persoa estudante colaboradora bolseira da cal foi beneficiaria en convocatorias anteriores, por causa imputable á dita persoa solicitante e beneficiaria da bolsa.
Non padecer defecto físico ou psíquico que impida o desenvolvemento normal da actividade como persoa colaboradora na residencia xuvenil.
Ter unha renda media familiar inferior ao 150 % do indicador público de renda de efectos múltiples (IPREM) do ano en curso.
Prazas en residencias xuvenís para persoas estudantes colaboradoras bolseiras.
Prazas en residencias xuvenís para persoas traballadoras.
Número de prazas e distribución por residencias:
Residencia
Prazas persoas estudantes non bolseiras
Prazas persoas colaboradoras bolseiras
Prazas persoas traballadoras
Total
Centro Residencial Xuvenil LUG
71
4
6
81
Florentino López Cuevillas Ourense
50
5
5
60
Altamar Vigo
79
6
7
92
Do total de prazas resérvase un 9 % para o caso de mozas que sufran violencia de xénero ou para mozos e mozas cuxas proxenitoras a sufrisen e/ou para persoas mozas con expediente de protección aberto. Ademais, na residencia Altamar de Vigo resérvanse 2 prazas para persoas con discapacidade, adaptadas para persoas con mobilidade reducida.
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge.
Instalar agora un navegador compatible