Uso de cookies nas páxinas web do Concello da Coruña
Empregamos cookies propias (de sesión, de personalización, de preferencias) para mellorar a experiencia do usuario a través do sitio web e cookies de terceiros xeradas por servizos ou provedores externos ao sitio web, que recollen datos estatísticos, de uso, gustos dos usuarios, etc. Ao aceptar todas as cookies, dá o seu consentimento expreso para que as cookies propias e de terceiros sexan rexistradas e utilizadas. Ao rexeitar as cookies, acepta que só se usarán as súas propias cookies para mellorar a experiencia do usuario. Podes obter máis información, ou saber como cambiar a configuración, na nosa páxina Normas de uso
O Concello de Laxe, a través da área de Comercio, Hostalaría, Turismo e Cultura, convoca a decimoitava edición do certame de poesía Antón Zapata García co obxectivo de promover a creación literaria e de achegar a figura deste poeta laxense.
A quen vai dirixido:
Para público en xeral
Inscricións:
Ata o 19/08/2024
Requisitos:
Poderá participar no certame calquera persoa que así o desexe, podendo presentar un máximo de 2 poemas candidatos na categoría que corresponda.
Establécense as seguintes categorías de participación:
a) Categoría Infantil: ata os 11 anos
b) Categoría Xuvenil: dos 12 ata os 25 anos
c) Categoría Adulta: a partir dos 26 anos.
A temática é de carácter libre. Serán excluídos do certame aqueles que empreguen termos ofensivos, malsoantes ou que poidan vulnerar os dereitos fundamentais de calquera ser vivo.
Os poemas terán unha extensión mínima de 20 versos e máxima de 150 versos.
Os poemas presentaranse en tamaño DIN A4 preferentemente mecanografado, aínda que tamén se admitirán escritos a man, sempre e cando estes sexan lexibles na súa totalidade.
De maneira preferente, escribiranse en lingua galega conforme á normativa vixente, aínda que, de maneira opcional, tamén se admitirá a súa presentación en lingua castelá para aquelas persoas de fóra de Galicia e sen competencias lingüísticas no idioma galego.
As composicións deben ser orixinais, inéditas e non premiadas noutras edicións deste certame ou de calquera outro certame de carácter literario.
Remuneración / Custo:
A cada un dos gañadores/as (un por categoría), ademais de outorgarlles un diploma e agasallo institucional, faráselles entrega dun vale por importe de 100 €, para facer compras en comercios e/ou locais hostaleiros do concello de Laxe.
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge.
Instalar agora un navegador compatible