Loitar por estes espazos de igualdade require, como a socióloga Rosa Cobo afirma, "que o poder político faga da igualdade entre homes e mulleres un obxectivo central da súa axenda política... pero sobre todo, o máis importante é crer na igualdade". De aí que sexa de suma importancia traballar día a día o Principio de Igualdade.

A mostra bibliográfica, con materiais para público infantil e materiais para público adulto, estará dispoñible do 14 de xaneiro ao 31 de marzo, e está composta dunha selección de fondo bibliográfico e documental de mulleres que fan da súa vida unha loita por este principio de igualdade, a pesar de que as condicións sociais  non son nin foron as máis axeitadas.

Este ciclo temático está acompañado de actividades orientadas a reforzar o papel da muller na nosa sociedade e sobre todo a  EDUCAR NA IGUALDADE DE XÉNERO para previr a desigualdade no futuro e construír unha sociedade máis igualitaria, xusta e diversa.