As Bibliotecas Municipais da Coruña conmemoramos o noso día dándolle visibilidade ao noso traballo, informando do que ofrecemos nas bibliotecas da rede con servizos e actividades que coidan da xente e celebrando o noso día con varias actividades.

• As bibliotecas non só prestamos libros e somos aptas para todos os públicos.
• Somos lugares de aprendizaxe.
• Ofrecemos recursos gratuítos.
• Facilitamos o acceso ao mundo dixital.
• Contamos con espazos para sentirse como na casa.
• Cremos na importancia dos autocoidados.
• Creamos identidade e somos a memoria da cidade.

Cidadanía e servizos protagonizarán unha efeméride coa que pretendemos visibilizar o imprescindible lugar que ocupan na cotiandade da comunidade, tal e como se desprende dos diversos testemuños que nos fixeron chegar.

Así celebramos o Día da Biblioteca:

Pareparamos unha variedade de actividades para celebrar o noso día contigo. Porque nos gusta coidarte!:

• Grande Amore no AgoraSón do outono 2022 (organizado en colaboración con Normalización Lingüística) presentando a Grande Amore (22 de outubro no Centro Ágora)
• Libros Viventes, edición especial polo Día da Biblioteca
• Contacontos para familias con bebés 0 a 3 anos no Punto de Préstamo de Mesoiro coincidindo co 5.º aniversario da súa apertura.
• Charla: Que foi da Biblioteca de Santiago Casares Quiroga , impartida polo historiador Francisco Xavier Redondo Abal na Biblioteca de Estudos Locais ás 19.00 horas.
• Mostra bibliográfica Bibliotecuida: na Biblioteca Ágora atoparás unha selección de libros que responde ao lema #BiblioTEcuida: novela de humor, ensaio, novela da vida cotiá, historias de superación... unha selección de títulos na que mergullarse e na que atopar un reforzo positivo.
• Programa de Radio en Cuac FM en colaboración coa Asociación de Veciños de Oza, Gaiteira, Os Castros.
• Viaxamos a Xixón cos nosos clubs de lectura ao Premio Princesa de Asturias das Letras.
• E se nos visitas o mesmo 24 de outubro... poida que teñamos algún detalliño para ti.