En que consiste Ti tes moito conto!?

A proposta Ti tes moito conto! é unha iniciativa de fomento da lectura que poñemos en marcha no ano 2015, ligada á celebración do Día Internacional da Literatura Infantil e Xuvenil. Así, a temática sobre a que traballaremos en cada edición será sempre a escollida polo IBBY como tema central cada ano.

Obxectivos

• fomentar a lectura a través do coñecemento lúdico de contos e historias clásicas ou de tradición popular
• colaborar e traballar en equipo entre profesionais e alumnado de centros diferentes e de realidades que non son as que viven no barrio

Como se desenvolve?

A través da colaboración da Biblioteca Ágora con dúas entidades da súa contorna, o CEIP Raquel Camacho e a asociación Aspronada.

Metodoloxía

O proceso de traballo de Ti tes moito conto! comeza nunha selección inicial de cinco historias de tradicións culturais diferentes, a partir das cales cinco grupos de traballo recrearán, cada un á súa maneira, eses contos que forman parte do acervo común de narracións populares das diferentes identidades

Cando?

Sempre en datas vinculadas á celebración do Día Internacional da Literatura Infantil e Xuvenil: arredor do 2 de abril de cada ano.

Como participar?

Calquera colectivo ou centro de ensino pode participar poñéndose en contacto coa Biblioteca Ágora