Horario

• Inverno
  • Luns a venres: das 9.00 ás 20.30 h (os martes pecha das 14.00 ás 16.00 h)
  • Sábados: das 10.00 ás 14.00 h e das 17.00 ás 20.30 h
• Verán (do 15 de xuño ao 15 de setembro, incluídos)
  • Luns a venres: das 9.00 ás 20.30 h (os martes pecha das 14.00 ás 16.00 h)
  • Sábados: das 10.00 ás 14.00 h
• Días de peche: domingos e festivos, 24 e 31 de decembro, e sábado de Semana Santa

Como chegar?

Localiza a biblioteca no mapa da cidade e visítanos! Se o vas facer en medios de transporte públicos ou en bicicleta esta información serache útil:

Liñas de bus urbano

Liña 7 - Liña 12A - Liña 14

Estacións de bicicletas

• Casa da Auga
• Conchiñas
• Sagrada Familia

Que me ofrece esta biblioteca?

A Biblioteca Municipal Ágora intégrase dentro da rede de bibliotecas municipais da Coruña e ofrece os seguintes servizos:

Espazos para nenos e nenas, mocidade e persoas adultas:

• Bebeteca, de 0 a 3 anos
• Zona infantil que se divide en dous tramos de idade con espazos diferenciados: de 0 a 8 anos e de 9 a 14 anos. Centro de interese SOS Nais e Pais, que reúne unha selección de recursos para orientar as familias nas diferentes etapas do crecemento dos fillos e fillas.
• Zona xuvenil
• Zona de persoas adultas
• Préstamo de documentos, tanto a socios individuais como socios colectivos (entidades): libros de ficción e de materias, películas, documentais, CDs de música etc.
• Internet e ofimática. Acceso a Internet con equipo portátil propio mediante wifi ou ben utilizando os ordenadores de uso público que hai na biblioteca.
• Visionado de películas e audición.
• Lectura de xornais e revistas.
• Reserva de aulas a grupos, para realizar traballos en grupo ou reunións.
• Actividades de promoción da lectura para todas as idades, cursos, charlas, visitas á biblioteca, talleres etc.
• Servizo de atención tecnolóxica
• Escáner
• Voluntariado: cos seguintes programas Préstamo no fogar, Lectura en voz alta, alfabetización de persoas adultas...

Máis información

A Biblioteca Municipal Ágora, inaugurada en 2012, é a de maior tamaño de todas as que forman a Rede de Bibliotecas Municipais da Coruña xa que supera os 1.700 metros cadrados.

Situada xeograficamente á beira do histórico Barrio de Mariñeiros, dá servizo a unha ampla zona xeográfica, un importante volume de poboación que supera os 20.000 habitantes (San Pedro de Visma, parte de Labañou, Mariñeiros, Peruleiro, Agra do Orzán, Ventorrillo, A Silva e Cances).

A Biblioteca atópase dentro do Centro Ágora, un equipamento municipal integrado e cunha variada programación dirixida a todo tipo de públicos.

A biblioteca actúa como un equipamento sociocultural de proximidade, dando servizo e atención ao conxunto da veciñanza da súa zona de influencia.

Consulta as cifras desta e doutras bibliotecas