- Inicio
- Actividades
- Detalle programa
Visita de 2º de Educación Primaria: Xuízo ao lobo feroz
Eva, cos materiais da visita
Tipo de actividade:
Visitas guiadas
A quen vai dirixido?:
Infantil / centros escolares
Require inscrición
De outubro a maio
En que consiste esta visita?
Os/as nenos/as reciben unha invitación á realización do Xuízo ao Lobo Feroz que terá lugar na biblioteca. Eles/as xunto co/a seu/súa profesor/a formarán parte da defensa a un lobo que as bibliotecarias pretenden expulsar da biblioteca achegando probas do seu mal comportamento como protagonista nos contos de ficción. Nun xuízo moi intenso no que acusación e defensa poñen toda a carne no asador, valorarase a pertinencia de que os contos de lobos queden na biblioteca ou sexan retirados. Despois de todo... o lobo é malo sempre? E que hai do lobo como animal mamífero? Unha divertida trama que lles axudará aos nenos e ás nenas a descubrir as figuras dos/as escritores/as e ilustradores/as, e a afianzar a diferenza entre contos de ficción e libros informativos.
Obxectivos da visita
Nesta visita o noso traballo céntrase fundamentalmente no traballo do álbum ilustrado e na lectura de imaxes, dándolle un certo protagonismo aos contos clásicos da literatura infantil
- Fomentar a lectura de imaxes como destreza ou capacidade
- Interpretar as ilustracións/imaxes dos textos
- Identificar o título e o/a autor/a nas obras de ficción
- Identificar o/a autor e o/a ilustrador/a e distinguir as súas diferentes funcións
- Inventar historias a partir das ilustracións dun libro
- Fomentar o gusto por ver ou ler os libros
Lugar de realización
Biblioteca Fórum Metropolitano
Inscricións e información
A oferta anual destas visitas realízase a través do programa Coruña Educa que xestiona o Servizo Municipal de Educación. Cada mes de setembro publícase a convocatoria e ábrese o prazo para que os centros poidan realizar as solicitudes para o curso escolar vixente.
Sigue buscando actividades similares...
As inscricións
Prazas esgotadas e lista de espera activa? Apúntate! Explicámosche por que. + info
Para ter en conta
Para o correcto desenvolvemento e aproveitamento das actividades rógase puntualidade xa que non se poderá acceder ao espazo pasados 5 minutos da hora de inicio.
No transcurso de todas as actividades o persoal bibliotecario realiza fotografías co obxectivo de subilas logo aos escaparates virtuais, redes sociais e/ou incluílas en carteis ou guías nos que se publicitan os programas, actividades e servizos das bibliotecas.
Se non desexas saír nestas fotografías, por favor, fala connosco antes do inicio da actividade.
Buscador de actividades
Escribe a palabra ou palabras que desexas buscar:
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible