A principios dos anos 90 do século pasado, en medio do colapso do bloque soviético e o nacemento dunha nova orde mundial, fixo fortuna nos medios de comunicación a tese de Francis Fukuyama sobre 'a fin da Historia', chegando a convertirse nunha frase incluso popular. Con esa expresión, o politólogo norteamericano facía referencia a un suposto triunfo definitivo das democracias occidentais de corte liberal como forma de goberno e vaticinaba a súa expansión, máis ou menos rápida, impulsada pola aceleración da globalización mundial. Porén, a sucesión de conflictos entre autocracias e democracias dende que deu comenzo o século XXI pon en cuestión a validez dese relato e deixa abertas moitas incógnitas de cara ao futuro.

En calquera caso, o que semella incontrovertible é que a Historia non se pode dar por pechada porque sempre volve, e tamén que a mirada histórica segue a ser imprescindible para entender e darlle contexto á realidade dun mundo cada vez máis complexo: para comprender o presente necesitamos coñecer o pasado. Nesta conversa, enmarcada dentro do ciclo temático O RETORNO DA HISTORIA, falaremos destes e de moitos outros temas relacionados con José Mª Cardesín, catedrático de Historia dos Movementos Sociais da UDC, onde imparte docencia de Historia Contemporánea e Historia do Pensamento Político.

Agardámoste!