A estas horas os risos cansados entonan cancións de regreso. Unha cita de amor nun bar solitario cai como a folla murcha dun calendario.

Luísa Villalta.

Cada Nadal trae consigo sentimentos encontrados, cun punto de saudade polos Nadais pasados, lembrando cancións antigas e citas de amor, cal o fragmento do texto da coruñesa Luísa Villalta, que quixemos que encabezase este portal de Nadal das bibliotecas como temperá homenaxe á poeta á cal se lle dedicou o Día das Letras Galegas neste 2024.

Pero o Nadal non só é saudade do pasado: tamén é presente, e crear lembranzas neste presente que axuden a despedir un ano que marcha e darlle a benvida ao novo.

Participa connosco do que temos preparado (xogos, obradoiros, contacontos... e mesmo un concerto!) e bota un ollo á nosa guía que, ano tras ano, deixa na túa porta as nosas suxestións de "Historias de regalo" para estas datas.

Agardámoste e aproveitamos para desexarche, desde este recunchiño, felices festas!

Recomendacións de Nadal

Podes desfrutar en liña de recomendacións de lectura, ideas de agasallo, e propostas de cinema:

• Guía "Historias de regalo" 2024