- Inicio
- Actividades
- Actividades nas bibliotecas
- Detalle evento
Club QUEERuña: picnic de peche de tempada
Por tipo de actividade:
Clubs
Por tipo de público:
Persoas adultas
Cando:
25/06/2020
Xa rematou
Horario:
19 horas
Contacto:
Poderemos, por fin, tomarnos a foto de grupo coa Torre de Hércules de fondo?
O xoves, 25 de xuño, ás 19h faremos o picnic de peche de tempada. Se fai bo día será na Torre de Hércules e se non, coma nos sucede ano tras ano, no Parque Santa Margarida. Sexa como for, será un encontro presencial (!!!) sin pantallas nin software de videoconferencias. Un cara a cara, un ti a ti no que cadaquén participa traendo algo para picar/beber e, en conxunto, votar polas lecturas favoritas deste curso.
A cuarta tempada do club LGTB foi, sen xénero de dúbidas, a máis atípica de todas mais non por iso deixamos de compartir lecturas: María Reimóndez, Marta Sanz, Pablo Carreiro, Paul B. Preciado, Andrea Nunes ou María Rosendo... lecturas debatidas en persoa e, outras, con conversas en zoom que fumos recompilando no blog queer.
O picnic dá peche a este curso e é aberto a calquera persoa que queira unirse a nós. É tamén o inicio dunha serie de accións que realizamos desde "As municipais entenden" para reivindicar os dereitos das persoas LGTB.
Queres saber ...
- Club de lectura QUEERuña
En que consiste o club QUEERuña?
Os clubs de lectura presenciais son, en esencia, grupos de persoas que se reúnen periodicamente para comentar e valorar os libros que as bibliotecas lles proporcionan coa axuda dunha ou máis persoas coordinadoras. O club QUEERuña ten a súa peculiaridade en que se trata do primeiro club de lectura de temática LGTBI+ de Galicia. É o espazo de diálogo sobre cultura LGTBI+ das Bibliotecas Municipais da Coruña que nace no ano 2016 co apoio da Concellaría de Igualdade e Diversidade No ano 2022 ábrese un segundo grupo deste club, dirixido a outras 20 persoas e no 2024, ante a forte demanda de participación, ábrese o terceiro grupo. Na actualidade, o club está formado por tres grupos e reúne a 60 persoas mensualmente.
A dinámica é idéntica nos tres grupos. Cada sesión, de carácter mensual, xira arredor dun libro no que se reflicta, dun modo ou outro, o colectivo LGTB. Haberá títulos con contido máis explícito e outros con menos, pero cada sesión servirá para analizar a realidade LGTB e o seu tratamento na literatura.
Para unirte non necesitas ser unha persoa experta na lectura: os clubs están pensados para persoas con inquietudes, gana de ler, de facer novas amizades e intercambiar opinións con outras persoas. En realidade, o libro é só o punto de partida.
Máis información
Tamén che pode interesar
Tamén che pode interesar
Sigue buscando actividades similares...
As inscricións
Prazas esgotadas e lista de espera activa? Apúntate! Explicámosche por que. + info
Para ter en conta
Para o correcto desenvolvemento e aproveitamento das actividades rógase puntualidade xa que non se poderá acceder ao espazo pasados 5 minutos da hora de inicio.
No transcurso de todas as actividades o persoal bibliotecario realiza fotografías co obxectivo de subilas logo aos escaparates virtuais, redes sociais e/ou incluílas en carteis ou guías nos que se publicitan os programas, actividades e servizos das bibliotecas.
Se non desexas saír nestas fotografías, por favor, fala connosco antes do inicio da actividade.
Buscador de actividades
Escribe a palabra ou palabras que desexas buscar:
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible