Coa finalidade de poñer en valor as letras galegas co gallo da súa celebración e de xeito específico o traballo que desde as editoriais máis pequenas se fai a prol da lingua e de contidos alternativos ao grande público, permitindo ao mesmo tempo a aterraxe de moitxs novos creadorxs no mercado editorial, queremos poñer en valor a actividade das pequenas editoras galegas a través dunha proposta chamada Ramalletes editoriais.

Programa da xornada

09:30- 10:30- Visita á biblioteca e presentación dos ramalletes editoriais

10:30-11:30- Charla coloquio editoras galegas: Apiario, Patas de Peixe e Chan da Pólvora.

11:30-12:00- Pausa café

12:00-12:30- Actuación a cargo de Cristina Montero coa súa proposta "Calvario" de danza contemporánea.

12:30-13:00- Desprazamento a Apiario

13:00-14:00- Visita á editora

Escolma de materiais

Consulta a escolma de materiais dispoñibles nas bibliotecas

Sumamos?

Ti tamén podes sumarte á proposta, subindo a túa foto a Facebook, Twitter ou Instagram e etiquetar ás Bibliotecas Municipais. A foto ten que incluír:

• Un libro en galego (preferiblemente dunha editora pequena)
• Un elemento natural (flor, ramallete, ramiña...)
• Un sorriso
• Os cancelos #ramalletesbmc e #letrasgalegas2017

A idea é que participe o maior número de persoas posible para poñer en valor:

• o idioma como valor de futuro e emprendemento
• o artesanal e natural para apostar pola calidade
• un xesto que sume

Vídeo presentación da proposta

Podes visualizar o vídeo da proposta dos Ramalletes na canle en youtube.

Úneste a nós?