Cada 29 de abril desde o ano 1982 celébrase a nivel internacional o Día da Danza, data seleccionada en recordo ao nacemento do bailarín e coreógrafo francés Jean-Georges Noverre (1727-1810) recoñecido como o creador do ballet moderno.

Cada ano o Comité Internacional da Danza do Instituto Internacional do Teatro (ITI) encarga a unha personalidade coñecida do mundo da danza a redacción dunha mensaxe e, neste ano 2020, corre a cargo do bailarín, coreógrafo, docente e actor sudafricano Gregory Vuyani Maqoma. As palabras que traslada Maqoma son máis necesarias ca nunca nestes momentos, reproducimos a continuación un breve extracto en galego da mensaxe orixinal (en inglés):

"A medida que bailamos cos nosos corpos caendo no espazo e enredándonos xuntos, convertémonos nunha forza de movemento tecendo corazóns, tocando almas e proporcionando a curación que é tan desesperadamente necesaria. E o desaİo convértese nunha soa danza, invencible e indivisible. Todo o que precisamos agora é bailar un pouco máis!".

Desde as Bibliotecas Municipais apostamos por poñer en valor e difundir esta arte a través da iniciativa #AoPasoDosVersos, uníndonos deste xeito a todas aquelas persoas que nestes días non tiveron motivos polos que bailar, pero atoparon unha razón para facelo.

Ao longo do 29 de abril, nos nosos blogs e nas nosas redes atoparedes contidos desde diferentes perspectivas e para todos os públicos, cun fío conector...a danza!!

• Recomendacións lectoras para nenos e nenas, no Blog de Salas Infantiles.
• Recomendacións lectoras para adultos, no Blog de Clubs de Lectura.
• Post no blog de relatos breves Corto e Cambio.
• Playlist con música de coreografías de distintas compañías, no blog Bibliosons.
• Podcast con lectura da autobiografía da recoñecida bailarina moscovita Maya Mijáilovna Plisetskaya.
• Felicitación en formato audiovisual no día da danza
• #OsBiblioRetos este día en movemento adicados a Danza e da man do bailarín profesional José Antonio Checa.
• As Bibliotecarias Contan... "Un tigre con tutú"