Co obxectivo de acompañar a través da voz e achegar lecturas á cidadanía, especialmente ás persoas non conectadas a través da Internet e/ou das redes sociais, presentamos a proposta "Lemos para ti".

"A lectura en voz alta pode ser unha actividade hospitalaria, confortante, alentadora. Fronte á lectura solitaria e illada, a lectura en voz alta é unha forma de encontro, de convocatoria. A lectura en voz alta require a presenza doutros, crea comunidade. E iso produce pracer...". (Juan Mata, presidente de Entrelibros)

Semanalmente compartiremos en audio lecturas en voz alta de diversos fragmentos de obras de distintos xéneros, desde novela e relato breve ata poesía. Aquelas persoas familiarizadas coas redes sociais tamén podedes gozar das lecturas nas  nosas canles de Ivoox ou de Spotify, que se actualizará con dous podcast semanais que iremos compartindo tamén noutras redes sociais.

E estreamos o canal, dentro da campaña "Mollámonos polo Libro", coas seguinte lecturas:

- "El sueño eterno" de Raymond Chandler. 

- "Válido para unha viaxe" de Pau Gener.

- "Señora de rojo sobre fondo gris" de Miguel Delibes.