As bibliotecas temos como misión facilitar o acceso en igualdade de oportunidades de toda a cidadanía e promover a igualdade de xénero a través das coleccións, actividades e servizos que ofrecemos como base para consolidar sociedades democráticas e igualitarias que atendan aos dereitos de todas as persoas.

A Violencia de Xénero é un problema social complexo de multitude de dimensións, situado e producido culturalmente con relación de mulleres e homes que teñen como consecuencia a violacición dos dereitos humanos fundamentais: violencia física, violencia psicolóxica, violencia sexual, violencia económica e patrimonial e mesmo a violencia simbólica.

Como bibliotecas públicas e como bibliotecarios e bibliotecarias traballamos para ser partícipes e impulsoras dos procesos de acceso á información para permitir á cidadanía tomar decisións informadas. Durante 10 días, dende o xoves 19 e ata o vindeiro sábado 28 baixo o lema #TiDecides e #BibliotecasSTOPViolencia neste #25N presentamos unha campaña aperturista e trasversal que recolle unha programación de actividades de distintas tipoloxías, tanto para público adulto como infantil, e en colaboración con entidades como Fundación Mulleres.

Apostamos pola presentación de recursos informativos e as recomendacións literarias tanto en formato físico, coas mostras bibliográfica nas bibliotecas dispoñibles ata o 5 de decembro, como virtualmente coa elaboración unha guía de lectura que estará dispoñible tanto para a súa consulta como para a descarga gratuíta.