- Inicio
- Actividades
- Actividades nas bibliotecas
- Detalle evento
Ando na Coruña: A Coruña das mansións do século XVIII: función e representación
Por tipo de actividade:
Charlas e debates
Por tipo de público:
Persoas adultas
Cando:
Os días 09/10/2024 ás 18:00 , 16/10/2024 ás 18:00 , 23/10/2024 ás 18:00
Atención: novas datas!
Inscricións:
Dende o 02/10/2024 ata o 09/10/2024
Require inscrición previa
Enderezo:
Biblioteca Municipal de Estudos Locais. Rúa Durán Loriga 10, 1º. 15003 A Coruña
Requisitos:
Inscrición previa
As persoas inscritas comprométense a asistir ás 3 sesións que a compoñen. O feito de non asistir a unha das sesións, sen comunicalo previamente, fará que cause baixa para o resto das sesións e que a súa praza sexa ocupada pola seguinte persoa da listaxe de espera.
O número de participantes variará dependendo dos requisitos e necesidades de cada actividade en concreto.
Contacto:
Teléf.: 981 184 386
Organiza:
Biblioteca de Estudos Locais
A Coruña das mansións do século XVIII: función e representación é a terceira actividade dentro do Programa Ando na Coruña do ano 2024. Alfredo Vigo Trasancos é un recoñecido especialista en temas de arquitectura e urbanismo, especialmente do século XVIII e particularmente do Barroco e a Ilustración. Da súa man, coñeceremos algunhas das construcións residenciais que se edificaron na Coruña no século XVIII e que lle deron á cidade unha imaxe absolutamente innovadora.
Primeira sesión: introdución e presentación (9 de outubro)
Nesta primeira sesión entrégaselles ás persoas participantes un completo dosier con bibliografía e textos seleccionados.
Alfredo Vigo Trasancos realizará unha presentación e contextualización do marco histórico da Coruña no século XVIII, mediante unha conferencia apoiada dunha presentación en Power Point.
A continuación, empezará co estudo individual de cada casa. Os edificios que se van analizar serán:
- Casa de Zuazo Mondragón (marqués de Almeiras)
- Casa Cornide
- Casas de Paredes
- Antiga Aduana (actual subdelegación do Goberno)
- Casa de José Ramos (posteriormente Real Consulado Marítimo)
- Capitanía
Segunda sesión: continuidade (16 de outubro)
Nesta sesión remátase a exposición sobre as mansións e dedícase o resto do tempo para que as persoas participantes poidan intervir, unha vez lidos os textos do dosier, e expoñer as súas dúbidas e observacións.
Terceira sesión: visita guiada (23 de outubro)
A derradeira sesión consistirá nunha visita guiada aos edificios estudados anteriormente, unicamente polo exterior destes: Casa de Zuazo Mondragón (marqués de Almeiras), Casa Cornide, Casas de Paredes, Antiga Aduana (actual Subdelegación do Goberno), Casa de José Ramos (posteriormente Real Consulado Marítimo) e Capitanía.
Queres saber ...
- Ando na Coruña
En que consiste Ando na Coruña?
ANDO NA CORUÑA é un programa que ten como obxectivo a divulgación de temas relacionados coa Coruña, calquera que sexa a súa especialidade, e a dos fondos que a Biblioteca de Estudos Locais teña sobre a dita temática.
Persegue, ademais, dar a coñecer a BMEL como biblioteca especializada na cidade.
O programa estará integrado, anualmente, por 3 actividades nas que se tratarán diferentes propostas relacionadas coa cidade. A temática incluirá calquera aspecto relacionado coa Coruña: arquitectura, personalidades, costumes...
Actividades relacionadas
- Ando na Coruña: A Coruña do Castro de Elviña (24/04/2024, de 18:00 a 20:00 en Biblioteca Municipal de Estudos Locais. Inscricións dende o 17/04/2024 ata o 24/04/2024)
- Ando na Coruña: A Coruña artesá (Os días 08/02/2003 ás 18:00 , 08/02/2023 ás 18:00 , 01/03/2023 ás 18:00 , 29/03/2023 ás 17:30 en Biblioteca Municipal de Estudos Locais. Inscricións dende o 01/02/2023 ata o 08/02/2023)
- Ando na Coruña: As mulleres da auga (Os días 26/04/2023 ás 18:00 , 24/05/2023 ás 18:00 , 28/06/2023 ás 18:00 en Biblioteca Municipal de Estudos Locais. Inscricións dende o 19/04/2023 ata o 26/04/2023)
- Ando na Coruña: A Coruña romana. Vida máis aló de Hércules (Os días 27/09/2023 ás 18:00 , 25/10/2023 ás 17:00 , 29/11/2023 ás 17:00 en Biblioteca Municipal de Estudos Locais. Inscricións dende o 20/09/2023 ata o 27/09/2023)
Sigue buscando actividades similares...
As inscricións
Prazas esgotadas e lista de espera activa? Apúntate! Explicámosche por que. + info
Para ter en conta
Para o correcto desenvolvemento e aproveitamento das actividades rógase puntualidade xa que non se poderá acceder ao espazo pasados 5 minutos da hora de inicio.
No transcurso de todas as actividades o persoal bibliotecario realiza fotografías co obxectivo de subilas logo aos escaparates virtuais, redes sociais e/ou incluílas en carteis ou guías nos que se publicitan os programas, actividades e servizos das bibliotecas.
Se non desexas saír nestas fotografías, por favor, fala connosco antes do inicio da actividade.
Buscador de actividades
Escribe a palabra ou palabras que desexas buscar:
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible