Aptas para todos os públicos, as bibliotecas, a través das súas coleccións, servizos e actividades con usuarixs, contribúen a construír unha sociedade cada vez mellor informada, máis igualitaria, solidaria e xusta, plenamente consciente da necesidade de levar un modo de vida sostible como compromiso coas xeracións futuras.

O lema deste ano, Por un futuro sostible, pretende destacar o papel fundamental que xogan todas as tipoloxías de bibliotecas na consecución dos Obxectivos de desenvolvemento sostible (ODS) da Axenda 2030. Máis aló dos relacionados coa cultura e o coñecemento, as bibliotecas contribúen á educación de calidade, a igualdade de xénero, a consolidación de institucións máis democráticas, a difusión de información veraz, a redución da pobreza ou o coidado do medio ambiente.

Neste último apartado, o coidado do medio ambiente, centramos a programación de actividades que propoñemos, cunha oferta en diversos centros e dirixidas tanto a público adulto coma infantil.

Non perdas a túa!