Non te desfagas de ningún documento que poida formar parte da nosa colección, nós recibirémolos, organizarémolos e difundirémolos e facilitarémosllelos a todas as persoas interesadas.

Ademais, e moi importante, conservarémolos indefinidamente para configurar a memoria da cidade. Axúdanos.

Que documentos buscamos?

Calquera documento, en calquera soporte ou formato relacionado con temática local, autoría local ou edición/impresión local. Poden ser:

• Libros e folletos
• Prensa e revistas
• Material cartográfico: mapas, planos
• Fotografías
• Láminas, gravados
• Postais, estampas
• Programas de acontecementos: de festas, de espectáculos, de actividades de entidades, de acontecementos políticos...
• Carteis: de eventos deportivos, culturais, exposicións, festas, obras de teatro
• Publicidade: de establecementos, de actos, de espectáculos..
• Audiovisuais (CDs de música, vídeos editados ou domésticos etc.).

Contacta coa Biblioteca de Estudos Locais

Se cres ter algún documento de interese para a colección local contacta coa biblioteca.

A biblioteca recoñecerá as túas doazóns mencionándote no rexistro bibliográfico correspondente a cada un dos documentos doados.