- Inicio
- Actividades
- Infantil
- Encontros para familias
Encontros para familias
Tipo de actividade:
Encontros / Faladoiros / Obradoiros
Obxecto:
O obxectivo principal é fortalecer as relacións familiares e favorecer un desenvolvemento saudable tanto dos nenos e nenas como das persoas adultas.
A quen vai dirixido?:
Familias con menores de 0 a 12 anos
De outubro a maio. Mensual
Enderezo:
Biblioteca Municipal Os Rosales. Praza Elíptica 1, 1º. 15011 A Coruña
En que consisten os Encontros para familias?
Encontros pensados para que as familias poidan compartir experiencias, apoiarse mutuamente e aprender conxuntamente sobre temas de interese familiar e educativo.
Durante as sesións contaremos coa participación de especialistas, que ofrecerán os seus coñecementos e consellos prácticos.
Beneficios de participar:
- Encontro de diálogo con outras familias.
- Espazo de relación e intercambio de experiencias con fillos e fillas.
- Orientación e asesoramento de especialistas.
- Materiais e ferramentas prácticas para mellorar as relacións familiares e favorecer o desenvolvemento saudable das nenas, nenos e adolescentes.
Temas abordados en edicións anteriores
- Nutrición e hábitos de vida saudables
- Educación afectivo-sexual
- Expresión corporal e emocións
- Comunicación positiva na familia
- O uso das novas tecnoloxías
- Temas de interese musical, literario, científico e de ocio familiar.
Centro de Interese Nais e Pais
Ademais, convidámosvos a descubrir o centro de interese Nais e Pais , dispoñible en todas as nosas bibliotecas. Este espazo creouse como un valioso recurso de apoio ás familias na atención e na educación.
Cómo participar
- Para poder participar nos encontros requírese unha inscrición previa.
- O prazo de inscrición ábrese unha semana antes da actividade ás 10:00 horas.
- As prazas adxudicaranse por rigorosa orde de inscrición.
Onde e cando
| Lugar | Día | Hora | Frecuencia | Prazas |
| Biblioteca Os Rosales | xoves | 18.30h | Mensual | 8-12 |
Próximas sesións
- Encontros para familias: "Os gardiáns da rede". Para formar e concienciar a familias en educación dixital (21/11/2024 en Biblioteca Municipal Os Rosales. Inscricións dende o 14/11/2024 ata o 21/11/2024)
- Encontros para familias: pais e nais, os novos educadores dixitais (19/12/2024 en Biblioteca Municipal Os Rosales. Inscricións dende o 12/12/2024 ata o 19/12/2024)
Para ter en conta
Para o correcto desenvolvemento e aproveitamento das actividades rógase puntualidade xa que non se poderá acceder ao espazo pasados 5 minutos da hora de inicio.
No transcurso de todas as actividades o persoal bibliotecario realiza fotografías co obxectivo de subilas logo aos escaparates virtuais, redes sociais e/ou incluílas en carteis ou guías nos que se publicitan os programas, actividades e servizos das bibliotecas.
Se non desexas saír nestas fotografías, por favor, fala connosco antes do inicio da actividade.
Buscador de actividades
Escribe a palabra ou palabras que desexas buscar:
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible