Rompendo Regras
Rompendo Regras é un novo centro de interese das Bibliotecas Municipais da Coruña dispoñible na Biblioteca Durán Loriga, Biblioteca Monte Alto e Biblioteca Os Rosales.
O centro de interese Rompendo Regras
Dende as bibliotecas promovemos e garantimos o dereito de acceso á información e ao coñecemento, permitindo que as persoas tomen decisións informadas e poidan mellorar as súas vidas. O acceso público á información sobre saúde e benestar nas bibliotecas públicas permite axudarlles ás persoas e ás familias a saber coidarse e manterse saudables.
Rompendo Regras toma o seu nome do Laboratorio de Participación cidadá en prol dunha menstruación digna e ecosaudable, do Grupo de Igualdade da Facultade de Ciencias da Educación da UDC no que as Bibliotecas Municipais colaboramos.
Que apartados recolle o centro de interese?
- Saúde menstrual
- Economía menstrual
- Menstruación sostible
- Educación menstrual
- Dereitos menstruais
- Menarquia
- Menopausia / climaterio
- Violencia menstrual
- Produtos menstruais
- Ciclo menstrual
- Activismo / feminismo
- Arte e literatura menstrual
Galeria de fotos do centro de interese nas bibliotecas
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible