En qué consiste o club Fiando historias?

As bibliotecas públicas teñen como misión garantir o acceso á información e á cultura a toda a cidadanía, sexa cal for a súa condición, e basean a súa actividade nas necesidades da poboación do seu territorio. Como bibliotecas abertas a todo o mundo que son, teñen que dar servizo tamén a aquelas persoas que non poden ou non fan uso dos seus servizos pola razón que sexa.

"Fiando historias" nace da conciencia  que toma a Biblioteca Fórum para exercer accións de calado social que redunden en mellorar a vida daqueles cidadáns que están á marxe da programación habitual da biblioteca. Tralo paso de numeresosas entidades e asociacións polo Programa "Achega: a biblioteca como espazo inclusivo para persoas con diversidade funcional" establécese unha relación directa de diálogo e coñecemento real das necesidades dos seus usuarios.

Xorde así a idea de crear un Club de Lectura Fácil para pacientes de Sáude Mental co obxectivo de facelos partícipes dunha actividade que axude a mellorar o seu nivel de compromiso de participación activa na sociedade. A importancia da saúde mental destácase na definición de saúde que figura na propia Constitución da OMS: "A saúde é un estado de completo benestar físico, mental e social, e non soamente a ausencia de afeccións ou enfermidades".

A particularidade serán as actividades complementarias que axuden á comprensión dos textos e á socialización e interacción dos membros entre eles.

En outubro ábrese o prazo de inscrición para participar todo o ano.