A divulgación científica é o conxunto de actividades que interpretan e fan accesible o coñecemento científico á sociedade, é dicir, todos aqueles labores que levan a cabo o coñecemento científico ás persoas interesadas en entender ou informarse sobre ese tipo de coñecemento. A divulgación pon o seu interese non só nos descubrimentos científicos do momento, senón tamén en teorías máis ou menos ben establecidas ou aceptadas socialmente ou mesmo en campos enteiros do coñecemento científico.

A xente ten necesidade dunha base científica para tomar decisións sobre a súa día a día, por exemplo, sobre a saúde, sobre vacinas, sobre terapias a seguir ou para entender o que lle di o seu médico. Fronte a determinadas fontes, moi ricas en nomenclatura, son necesarias fórmulas que funcionen mellor para establecer un vínculo entre os científicos e o público.

Queremos destacar á Biblioteca como unha figura indispensable na comunicación pública da ciencia, xa que forma parte da súa esencia mesma como centro de divulgación de coñecemento.