En todas as bibliotecas (excepto Estudos Locais e o punto de servizo de Mesoiro) atoparás computadores de uso público e gratuíto nos que poderás conectarte a Internet, chatear cos teus familiares no estranxeiro, escoitar música e ver vídeos, ou utilizar programas ofimáticos: procesadores de texto, follas de cálculo, editor de presentacións etc. Debido a cuestións de hixiene, terás que traer os teus propios auriculares para poder escoitar o son.

Que teño que facer para utilizar un computador na biblioteca?

Podes acceder a calquera computador de uso público directamente, sempre que non estea reservado, ou ben facer unha reserva en liña para a biblioteca, hora e día que ti elixas dentro daquelas que teñan programadas os equipos. En ambos os casos necesitarás un usuario e unha clave.

Como consigo o meu usuario e a miña clave?

A primeira vez que queiras utilizar os computadores de uso público terás que identificarte no mostrador de calquera das bibliotecas co teu carné de socio e documento de identidade. Asignarémosche un usuario e unha clave que che permitirán realizar os teus reservas e acceder a calquera computador das bibliotecas.

Hai un límite de tempo diario?

Depende de cada biblioteca e sala (adultos ou infantil). En algunhas, poderás gozar dunha sesión por tempo ininterrompido, noutras cada persoa poderá gozar dunha sesión de entre unha e dúas horas de duración programadas en quendas consecutivas ao longo do día. Terás que conectarte á hora de inicio dunha sesión para gozar de todo o tempo que teña programado.

Ten en conta que a última sesión antes do peche das bibliotecas, sexa mañá ou tarde, acabará sempre dez minutos antes da hora de peche.

Son iguais os horarios das quendas e sesións en todas as bibliotecas?

Como se explica na resposta á pregunta anterior, non existen uns horarios idénticos en todas as bibliotecas porque estes adáptanse progresivamente ás necesidades de cada servizo e sofren readaptacións periódicas.

Se desexas saber con certeza en que quenda podes conectarte e canto tempo poderás usar o computador, consúltao previamente coa biblioteca que vaias visitar.

En que bibliotecas podo conectarme de modo ininterrompido?

Neste momento, gozan de horario ininterrompido os computadores de uso público dos seguintes espazos:

- Sala de adultos: biblioteca Castrillón, OsRosales, Sagrada Familia, Monte Alto e Ágora.

- Sala infantil: biblioteca Sagrada Familia, Monte Alto e Ágora.

Podo reservar un computador concreto?

Cando realices a túa reserva en liña poderás elixir a biblioteca na que queres conectarte, pero o sistema non permite decidir sobre que computador queres efectuar a reserva. O sistema asigna os computadores de forma totalmente aleatoria.

Canto tempo permanece activa a miña reserva?

Todas as reservas caducan pasados 10 minutos desde a súa hora de inicio.

Hai computadores de uso exclusivo para menores?

Si, dispoñemos de postos de uso exclusivo para menores de 14 anos.

Que teño que ter en conta?

Debes respectar a configuración dos equipos, os seus arquivos e programas. Lembra que despois de ti conectarase outra persoa polo que che agredecemos que coides o material.

A biblioteca non é responsable da información que recuperes ou á que accedas.

O horario de acceso aos postos informáticos pode verse restrinxido pola execución de calquera actividade, nese caso facilitarase o cambio de data ou hora do teu reserva.

Nin a biblioteca nin os bibliotecarios podemos responsabilizarnos dos problemas técnicos dos computadores ou Internet, como a saturación da rede, a caída dos servidores, cortes de luz etc

Wifi libre

Todas as bibliotecas dispoñen de conexión inalámbrica a Internet. Se vés co teu portátil, móbil ou tableta poderás conectarte gratis e sen necesidade de utilizar ningunha clave.

Aulas de informática

Nas bibliotecas municipais Ágora, Castrillón, Fórum, Monte Alto, Os Rosales e Sagrada Familia dispoñemos de aulas de informática nas que realizamos os cursos de alfabetización dixital. Ademais, se representas a unha asociación, ONG... e necesitas un espazo para levar a cabo unha acción formativa, non dubides en pedírnola!

Equipamento dispoñible nas aulas
	Posto para docente	Nº postos para alumnos	Taboleiro electrónica	Taboleiro manual	Canón	Escáner	Impresora	Equipo adaptado
Biblioteca Ágora	√	12	√		√	√	√
Biblioteca Castrillón	√	12	√	√	√		√
Biblioteca Fórum	√	13	√		√			√
Biblioteca Monte Alto	√	13		√
Biblioteca Os Rosales	√	12	√		√
Biblioteca Sagrada Familia	√	12			√

Cursos de informática

Se estás a comezar a usar estas ferramentas interesarache saber que dispoñemos dun completo programa de formación con variadas ofertas tanto de iniciación a Internet como de web 2.0 ou web social. Se che interesa este tema, consulta a sección Cursos de informática.

Necesito axuda co computador

Dentro do programa de voluntariado, os cibervoluntarios axudaranche a resolver as túas dúbidas co computador e as súas operacións básicas, a enviar e recibir mensaxes a través do correo electrónico, a navegar por Internet e ler prensa dixital, a comprar entradas ou realizar calquera procura de información.

Lembra que podes inscribirte nos cursos gratuítos que se organizan periodicamente nas bibliotecas e que podes comezar de cero.

Hai unha sección de informática en todas as biblios

Dispoñemos dunha sección de libros, revistas, CD, DVD sobre Internet, novas tecnoloxías, tutoriais de programas informáticos, fotografía dixital, procesadores de texto, sistemas operativos etc... que che resultarán de utilidade tanto se queres iniciarte como se queres profundar nalgún destes temas. Recoñeceralos porque todos eles están baixo a sinalización 004 INFORMÁTICA

Quero buscar no catálogo o que teñen as biblios sobre este tema

Quero suxerir unha compra