Gústache ler, ver películas, escoitar música ou gozar de xogos de mesa? Nas nosas bibliotecas podes levar todo isto para a casa de maneira sinxela.

• Libros e revistas : atopa desde as últimas novidades editoriais ata clásicos imprescindibles ou publicacións especializadas.
• Audiovisuais : descubre unha ampla selección de DVD, Blu-ray e CD para todos os gustos e idades.
• Préstamo de xogos de mesa : unha opción ideal para gozar coa familia ou as amizades.

Podes levares en préstamo para a túa casa ata 10 materiais: revistas, libros e audiovisuais durante 30 días e un xogo de mesa durante 7 días.

Se o que queres é ler en soporte dixital, accede á plataforma de préstamo de libros electrónicos e descarga o que queiras ou, sinxelamente, le na nube.

Ademais disto tes que saber que:

• Se tes a mobilidade reducida, temporal ou permanente, podes solicitar o préstamo e levámoscho á casa.
• Se queres solicitar o préstamo de algo que non atopas en ningunha biblioteca da cidade, consulta o préstamo interbibliotecario.

Ademais de materiais físicos, ofrecémosche unha variedade de dispositivos tecnolóxicos que podes levar en préstamo.

• Ordenadores: perfectos para estudar, traballar ou realizar consultas mentres estás na biblioteca.
• Libros electrónicos: unha alternativa práctica para gozar da lectura dixital sen necesidade de comprar un eReader.
• Consolas de videoxogos: vive unha experiencia de entretemento diferente nas túas visitas á biblioteca.

Que necesitas saber?

• Este servizo pode ter condicións específicas, como prazos máis curtos ou requisitos adicionais (por exemplo, a maioría de idade para consolas).
• Consulta a dispoñibilidade de cada un dos dispositivos.

Buscas un lugar para reunirte, traballar en grupo ou preparar un proxecto? Dispoñemos de salas e espazos acondicionados para as túas necesidades:

• Reunións: perfectas para pequenas xuntas, titorías ou encontros.
• Traballo en grupo: áreas equipadas para colaborar co teu equipo nunha contorna cómoda e funcional.
• Eventos e actividades: algúns espazos poden reservarse para presentacións, charlas ou talleres.

Como reservar?

1. Revisa a dispoñibilidade dos espazos coa biblioteca.
2. Completa o Formulario de solicitudes indicando a data e hora desexadas.
3. Prepárate para aproveitar ao máximo as nosas instalacións.