O luns 21 de abril ás 19.00 h na Biblioteca Municipal Fórum Metropolitano temos a presentación do libro "Las Cartas del Forastero: Historias de un Inmigrante" de Johan López Sánchez.

Actividade con acceso libre ata completar a capacidade.

SINOPSE:

Las Cartas del Forastero é unha viaxe de transformación e resiliencia. Un canto á esperanza e a integración. Como inmigrantes, cada paso que damos é unha decisión ao destino que queremos, á vida que soñamos. Non é só un libro para as persoas migrantes ou nativas. É un texto para aquelas que queiran ser transformadas.

A través de 12 capítulos faremos unha viaxe, non só física, senón emocional. Partindo desde A Arxentina, pasando pola miña natal Venezuela, os Estados Unidos e a vida nas diferentes cidades de España que me acolleron. Cada etapa está impregnada de loita, esforzo e determinación.

É un relato a través de historias para Akiva, -a descendencia- e ensinanzas sobre as relacións humanas, decisións, equivocacións e acertos, momentos de alegría, aprendizaxes, dó, desarraigamento e adaptación, cheo de personaxes incribles que fun coñecendo no camiño e que marcaron a miña vida.

Las Cartas del Forastero é a miña historia, tan singular e universal como a de calquera outro inmigrante, contada desde o agradecemento e a dúbida; a certeza e a incerteza; a cotiandade e os soños. Acompañada dunha linguaxe sinxela e cunha narrativa chea de matices musicais e cinematográficos que son parte da miña vida. Convídote a lelas e viaxar comigo nesta marabilla variada que é emigrar, que é vivir.