Alguén nos lembrará: Antoloxía de relatos LGBTIQA+, será a lectura do mes de abril do club Queeruña, que nos facilita a Biblioteca da Deputación da Coruña a través da súa plataforma de libro dixital e que poderás escoller como lectura dixital se tés o carné de calquera biblioteca pública da provincia.

Sinopse da obra:

Unha casa de bonecas, un campamento, cartas, amigues, tritóns, resacas, amor, odio, coidados, memoria... Moitas son as historias que durante séculos ficaron exiliadas entre as liñas, que non foron permitidas ou que se ignoraron á mantenta. Hoxe as marxes alzan a voz para enunciar con orgullo a narrativa dunha realidade diversa. Esta é unha antoloxía con quince perspectivas novas e diferentes arredor da disidencia de sexo e xénero. Quince voces de ata 30 anos que escriben co convencemento de que, como dixo Safo, "Alguén nos lembrará".

A entrada é libre ata completar a capacidade.