Valoramos, caso a caso, a oportunidade de incorporar novos fondos doados á nosa colección, que logo estarán dispoñibles para as demais persoas usuarias a través do catálogo.

Os materiais que incorporamos ao noso fondo, sexa por donativo ou por nova adquisición, teñen que reunir uns requisitos, físicos e técnicos, que avaliaremos caso a caso.

Agradecemos moito as doazóns que recibimos, pero temos que aclarar que non recolleremos os seguintes materiais:

• libros de texto,
• enciclopedias ou obras de referencia xeral (dicionarios enciclopédicos, anuarios etc.)
• materiais en mal estado,
• revistas ou folletos,
• soportes obsoletos (VHS etc.)

Se consideramos que as doazóns non son aptas para ser incorporadas, enviarémolas á mesa de intercambio ou a algunha outra biblioteca do municipio (escolar, de asociacións etc.).

Por problemas de capacidade non todas as bibliotecas poden aceptar donativos.

Estas son as bibliotecas que si os recollen:

• Biblioteca Castrillón
• Biblioteca Monte Alto
• Biblioteca Durán Loriga (ata novo aviso ten pechado temporalmente a aceptación de donativos)
• Biblioteca Municipal Os Rosales  (ata novo aviso ten pechado temporalmente a aceptación de donativos)
• Servizo Municipal de Bibliotecas da Coruña
• Biblioteca Municipal de Estudos Locais (só fondo local ou especializado, interésannos moito as fotografías, os programas... e tamén, outros materiais como folletos e publicacións periódicas)

Escríbenos se tes algunha dúbida.