Sempre se fala de hackeo como sinónimo de algo ilegal ou prohibido. Pero podemos definir a palabra "hackear" como curiosidade. Facerse preguntas como que é isto? e que pasaría se...?

Hackear é tamén explorar os límites e tentar expandilos. Torcer as regras. Polo xeral os aparellos cos que interactuamos todos os días están encerrados dentro dunha caixa. Non podemos ver o que hai dentro. Como músicos e amantes do audio pensamos:

É posible torcer as regras da música?

É posible crear un dispositivo que permita explorar os límites e novas formas de aprender o que hai atrás dunha bonita canción?

A través da música buscamos abrir a caixa que encerra a todos os aparellos que nos rodean e espertar a curiosidade. Poderás non só crear música, senón ademais entender a ciencia detrás da canción.

Doutra banda, empezar a pensar a música non só desde un lugar de oínte que non fai máis que escoitar, senón como alguén que pode interactuar co que está a escoitar. E despois, quen sabe? As posibilidades son infinitas.

Traballaremos as aptitudes lóxico-matemáticas, electricidade, electrónica, química e son. Cun objectivo claro: promover o coñecemento científico, a curiosidade  mediante a experimentación coa música mediante o uso da tecnoloxía.

Libera a túa imaxinación sen límites!