O mércores 22 de febreiro ás 18:30 h. temos na Biblioteca Fórum unha charla sobre FakeNews, falaremos sobre as estratexias de supervivencia para tempos de desinformación, impartida por Natalia Monje.

As noticias falsas son unha crecente ameaza para a democracia porque contaminan a información que circula pola esfera pública. Sen información veraz, os cidadáns non poden tomar decisións nin exercer os seus dereitos con garantías. As fake news confunden ás persoas, desinforman á sociedade, radicalizan as posicións políticas e alentan o populismo.

Faladoiro a cargo de Natalia Monje no que fará un percorrido polas formas máis novidosas de manipulación de datos e polos mecanismos cognitivos que nos fan máis vulnerables fronte ás mentiras, para desentrañar as capacidades críticas que debemos cultivar como consumidores e produtores de información.

Natalia Monje é a responsable de comunicación de Ecos do Sur. Xornalista con 15 anos de traxectoria en comunicación social e sobre migracións. Desde 2016 lidera a liña de traballo CibeRespect, de Ecos do Sur, que aborda as problemáticas da desinformación e o discurso de odio nas redes sociais a través de estratexias de media literacy e ciberactivismo. Esta liña de traballo foi recoñecida co Premio de Innovación Social A Caixa e o Premio de Boas Prácticas do Colexio de Traballo Social de Galicia.