Descubre novos territorios inexplorados do cómic

Atrévete a explorar o territorio descoñecido do cómic gozando das obras que nos descobren terras habitadas por seres fantásticos, novos mundos onde se confunde a realidade coa fantasía ou viaxes de descuberta que amplían os mapas.

As bibliotecas realizamos unha selección do mellor cómic de descubrimento, exploración, aventuras e viaxes na mostra Territorios Inexplorados que poderás gozar durante todo o mes de agosto de 2019, coincidindo coa edición de Viñetas desde o Atlántico. A mostra pretende difundir as mellores obras dunha temática inherente ao propio tebeo á vez que anima a potenciais lectores e lectoras a que se aventuren ao mundo do cómic como un medio aínda por descubrir por moitas persoas.