En 2019, a escritora J. K. Rowling viuse envolta nunha desagradable polémica. A autora de Harry Potter foi atacada con virulencia nas redes sociales a propósito dun chío no que apoiaba a unha investigadora despedida do seu traballo por opinar acerca da diferencia entre sexo e xénero e as consecuencias que a autodeterminación de xénero podería ter para os dereitos da muller. Os activistas transxénero acusáronna de ser unha TERF, ou o que é o mesmo, una "feminista radical excluinte". Lonxe de ser algo anecdótico, unha controversia similar deuse no noso país coa aprobación da coñecida como "lei trans", que provocou unha escisión no seo do movemento feminista entre aquelas que a apoiaban e aquelas que pensaban que desprotexía ás mulleres e os dereitos acadados.

Mais estes casos constitúen tan so a punta do iceberg dun fenómeno que ven producíndose dende hai un tempo nas sociedades occidentais e que deu en chamarse a "cultura da cancelación". Tecnicamente, a cancelación consiste no boicot ou retirada de apoio público a toda persoa ou institución que incorra en prácticas ou difunda ideas culturalmente inaceptables. Pero como ideoloxía, a ideoloxía 'woke' como é coñecida en Estados Unidos onde xurdiu, vai máis alá: o seu obxectivo é a deconstrución da herencia cultural occidental, baixo sospeita por considerarse sexista, racista e colonialista. Trátase, polo tanto, dun dos grandes debates sociais do noso tempo e, para reflexionar sobre el, dentro do marco do noso ciclo temático A ERA DA CANCELACIÓN, contamos coa presencia de Ángel Enrique Carretero Pasín, profesor de Antropoloxía Simbólica na USC é autor de máis dun centenar de publicacións entre artigos e libros, como por exemplo 'La religión esférica' (2018) ou 'Las paradojas de la modernidad' (2022), por citar so os máis recentes.