Este ano volvemos sumarnos a esta interesante iniciativa internacional de poñer en valor os xogos nas bibliotecas, promovida por unha organización internacional do ámbito bibliotecario, a ALA (American Library Association) e dirixida por voluntarios de todo o mundo para reconectar comunidades a través das súas bibliotecas en torno ao valor educativo, recreativo e social de todo tipo de xogos.

Na biblioteca Municipal Durán Loriga apostamos por poñer en valor o importante papel que poden tomar os xogos nas bibliotecas e entendemos que as programacións arredor dos xogos personifican a biblioteca creando un lugar comunitario para socializar e xogar. Sumámonos a esta iniciativa co obxectivo de sensibilizar sobre os beneficios sociais e educativos do xogo.

Dentro da programación do IGM na biblioteca Durán Loriga teremos un faladoiro con artesáns galegos e creadores de xogos na que se debaterá sobre o estado actual da profesión, a importancia dos materias empregados entre outras cousas. Enxógate, Brazolinda e Habitar las formas traerán unha pequena mostra do seu traballo e invitaranos a xogar e probar os seus xogos e xoguetes.