- Inicio
- Memoria local
- Bibliotecas de particulares
- Padín Viaño. Picasso
Colección Padín Viaño. Picasso
Detalle da publicación "El primer Picasso"
Picasso foi, sen dúbida, un dos máis grandes artistas do século XX. A súa arte abraia ao mundo dende fai máis de cen anos.
Este feito, con todo, non xustificaría en por si que unha biblioteca como a de Estudos Locais contase cunha colección sobre el, se non fose porque este xenio viviu na Coruña catro anos, entre 1891 e 1895.
Ademais, foi na Coruña onde comezou a estudar Belas Artes e a formarse na arte pictórica grazas aos ensinos do seu pai, José Ruíz Blasco; onde entrou en contacto con artistas da talla de Isidoro Brocos e onde realizou as súas primeiras exposicións da man do ex -ministro da Primeira República e amigo da familia, Don Ramón Pérez Costales.
A Casa Museo Picasso, lembra o seu paso pola cidade.
Este vínculo de Picasso coa Coruña levou á Biblioteca a aceptar a doazón da Colección Picasso que a Familia Padín-Viaño doou en 2009. Esta colección consta de máis de cen títulos que, unidos aos que xa posuía a biblioteca, contribúen, dunha forma máis completa e rigorosa, ao coñecemento e difusión dos temas locais, neste caso, da man dese "rapaz coruñés nacido en Málaga" do que fala D. Ángel Padín, gran estudoso de Picasso, e máis concretamente, da súa etapa coruñesa.
O 7 de xuño de 2010 celebrouse no Concello da Coruña o acto oficial de entrega da doazón, que contou coa presenza de D. Ángel Padín, hoxe xa tristemente desparecido.
A Biblioteca editou esta publicación que recolle información sobre a colección:
A doazón, en vídeo
¡Tienes un navegador demasiado antiguo!
Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible