- Inicio
- Usa as bibliotecas
- As bibliotecas ofrécenche
- Servizo de préstamo
- Préstamo a entidades
- Préstamo de xogos de mesa a entidades
Préstamo de xogos de mesa para entidades
Xogos de mesa na Biblioteca Ágora
Sabes que nas bibliotecas municipais prestamos xogos de mesa para todas as idades? E sabes das grandes posibilidades que ofrecen para a túa entidade?
Como entidade, é posible que desexedes organizar un evento lúdico na propia biblioteca. Para que che asesoremos ao respecto, debes contactar connosco.
Pero, se o que necesitades é levar algún xogo de mesa en préstamo, só precisades achegarvos á biblioteca co voso carné de entidade ou solicitalo a través dos medios electrónicos ou telefónicos.
Ademais disto tedes que saber que:
- Se representades unha entidade que asocie ou asista persoas que poidan ter interese nos xogos de mesa, polo motivo que sexa, talvez vos interese comentarlles que nas nosas bibliotecas poden solicitar, a título particular, o préstamo deste tipo de material.
Para saber máis: Préstamo individual .
Preguntas frecuentes sobre o préstamo de xogos de mesa a entidades
Cales son as condicións do préstamo de xogos de mesa a entidades?
- Número de xogos: Podedes levar simultaneamente ata 5 xogos. Este número resta do total de libros, revistas e material audiovisual que podedes ter á vez (30 documentos).
- Prazo: O prazo de préstamo para xogos de mesa é de 15 días.
- Renovación: NON existe a opción de prórroga no préstamo de xogos de mesa a entidades, dado que o prazo de préstamo inicial é xa maior que para particulares.
- Petición de reserva: Se o xogo de mesa que buscades está prestado a outro lector ou lectora, ou outra entidade, existe a opción de reservalo. Poderedes reservar ata 2 xogos a un tempo.
- Dispoñibilidade da reserva: Cando os xogos de mesa reservados xa estean dispoñibles, avisarémosvos para que poidades recollelo na biblioteca na que o reservárades, dentro dun prazo máximo de 7 días. De non facelo nese prazo a reserva quedaría anulada.
- Préstamo entre as bibliotecas da Rede: Os xogos de mesa NON se envían entre bibliotecas. Se queredes un xogo doutra biblioteca municipal, hai que acudir a ela fisicamente e solicitalo.
Que hai que saber sobre a devolución do préstamo?
- Para a devolución de materiais non é preciso traer o carné e calquera membro da entidade poderá facela.
- Estamos certas de que entregarás os xogos en tan bo estado e co mesmo número de pezas coa que os retirásedes, o que se comprobará no momento da devolución.
- Ollo! Os xogos de mesa tedes que devolvelos na mesma biblioteca na que os retirárades en horario de apertura.
Que ocorre se incumprimos os prazos ou perdimos algo do prestado?
- Incumprimento dos prazos de préstamo: O retraso na devolución conleva unha suspensión temporal do préstamo: un día por cada documento e día de retraso.
- A perda ou deterioro de material (ou parte del, como pezas dun xogo de mesa): Suporá repoñer o material extraviado ou deteriorado. Se xa non está dispoñible no mercado, contactade coa biblioteca na que o retirásedes para que vos orienten ou suxiran algún outro xogo de mesa de características similares.
Outra información
Precisamos saber que xogos temos nas bibliotecas: o catálogo
Se queredes saber se nas bibliotecas temos xogos de interese para a vosa entidade, podedes consultar o catálogo. Dese xeito, comprobaredes en que biblioteca localizalo, se está prestado e cando é que o devolven.
De ter algunha dúbida, podedes contactar connosco.
Cales son as bibliotecas con xogos dispoñibles
- Biblioteca Municipal Ágora
- Biblioteca Municipal Durán Loriga
- Biblioteca Municipal Fórum
- Biblioteca Municipal Os Rosales
Para saber máis
Máis información sobre os Xogos de mesa picando na ligazón.
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible